COPY…
CREDIT…



ကျွန်တော်နဲ့ဆတ္တာသည်ကိစ္စ ၆။

အရူးမှာလိုင်စင်ရှိတယ်
*******************
                                  (ကိုရွေး)
ခြုံထည်ကြီးထဲကရုန်းထွက်လို့မရတော့ဘူး
ကပ်ကြေးသံ တချပ်ချပ်ကနားယားတယ်
ငါ့ခေါင်းကိုငုံ့ကြည့်နေတဲ့ မှန်ထဲက မျက်လုံးဟာအသည်း
ယားစရာ
မှန်အပြင်က ငါ့ခေါင်းကိုစမ်းကြည့်မိတယ်|ရှိသေးတယ်
ဆံသဆရာဟာ ဘောလုံးပွဲမှာသူကိုယ်တိုင်ဝင်ကန်ခဲ့သ
လိုမျိုးပြောတယ်
ဒိုလေး|ဘက်ခမ်း|ဘန်ပါစီ|မက်စီ|ကာကာ
ငါ့ရှေ့ရောက်သလိုပဲ
ငါတွေ့နေရတဲ့မှန်ထဲက ဂျာနယ်အပုံဟာ ထခုန်နေတော့
တာပဲ
ဘရိတ်ခဏခဏအုပ်တယ်
အဆိုတော်ဟာသီချင်းဆိုရင်းစာသားမေ့သွားဟန်ရပ်တန့်
စဆိုတဲ့စာသားက တီးလုံးရှေ့ကပြေးထွက်လာ
သရဲနဲ့ ရုတ်တရက်တွေ့လိုက်သလိုမျိုး
သရဲဆိုလို့ ညကသူကြည့်ခဲ့တဲ့သရဲကားအကြောင်း
စိတ္တဇလူသတ်သမားဟာ ကြည့်သူကိုတောင် စိတ္တဇဖြစ်
လာစေတယ်ဆိုပဲ
မြို့ကြီးတစ်မြို့မှာ စိတ္တဇလူသတ်သမားဟာ ဆံသဆရာ
ဆိုလား
ဆံသဆရာဟာ မြို့ကြီးတစ်မြို့မှာ စိတ္တဇလူသတ်သမား
ဆိုလား
သူကိုယ်တိုင်ကဆံသဆရာလား|စိတ္တဇဝေဒနာသည်လား
သူ့အမူအယာတွေ|လေယူလေသိမ်းတွေခွဲခြားရခက်လား
ဘုရား  ဘုရား ငါထပြေးရမလား
တစ်ခြမ်းပြောင်|တစ်ခြမ်းမှောင်နေတဲ့ ငါ့ဦးခေါင်းနဲ့ဖြစ်ပါ့
မလား
တကယ်တော့ဗျာ နံရံမှာချိတ်ထားတဲ့ ကျားခေါင်းနေရာမှာ
ခင်ဗျားဆံပင်ပုံမျိုးနဲ့လူဦးခေါင်းတစ်ခုချိတ်ထားမှာ
ဒါမှ ဆိုင်ရဲ့ကြော်ငြာဟာပေါ်လွင်မှာမဟုတ်လား လူတွေ
စိတ်ဝင်စားမှာမဟုတ်လား
ဘုရား  ဘုရား ဒီလူအတည်ပြောနေတာများလား
သူ့ခြေထောက်ကိုပွတ်သပ်နေတဲ့ကြောင်ကလေးကိုကန်
ထုတ်လိုက်ပုံ
ကြောင်ကလေးဘောလုံးတစ်လုံးလို လွင့်သွားပုံ
နံရံနဲ့ထိပုံ|ပြုတ်ကျလာပုံ|ကြောင်ကလေးညည်းညူနေပုံဟာ
တစ်စက္ကန့်အတွင်းအဖြစ်အပျက် သူ့မျက်နှာဟာ သူဘာမှ
မလုပ်သလိုမျိုး အေးစက်|ဓားအိမ်ထဲဘရိတ်ဓားအသစ်
ထည့်နေပုံက
အေးဆေး|တိကျ|မြန်ဆန်လွန်းတယ်
သူ့မျက်နှာရှေ့ တဝီဝီပျံသန်းနေတဲ့ ယင်ကောင်ကိုပိုင်းချ
လိုက်ပုံက
ငါ့ပါးစပ်ကို အဟောင်းသားပွင့်သွားစေတယ်
ငါ့ဝတ်ရုံအဖြူပေါ် ပြုတ်ကျလာတဲ့ ယင်ကောင်တစ်ပိုင်းဟာ
ငါ့ဆံပင်နဲ့ရောထွေးလို့ တောင်ပံတစ်ဖက်ခတ်နေတုန်းပဲ
ငါ့ကုပ်ပေါ်မှာ ဆံပင်မရှိတော့ဘူး
ငါမျက်တောင်မခတ်ရဲဘူး မျက်တောင်တွေပြုတ်ကျမှာစိုး
လို့
ငါမျက်စိမမှိတ်ရဲဘူး|မြင်ကွင်းတွေပြုတ်ကျမှာစိုးလို့
ထွက်ပြေးတဲ့ငါ့စိတ်ဟာ ငါ့ခန္ဓာထဲက ထွက်မရဘူး
တဖျပ်ဖျပ်ခတ်နေဆဲ ယင်ကောင်တစ်ပိုင်းကိုကောက်ယူ
ပြီး
သူ့လက်နဲ့ချေမွလိုက်တယ် အေးဆေးပဲ
သူ့အပြုံးဟာ ပန်းပွင့်သလို အနှေးပွင့်လို့
တရုတ်သိုင်းကားထဲက သူရဲကောင်းလိုလို
စိတ္တဇလူသတ်သမားလိုလို မျက်လုံးဟာ အေးစက်မာ
ကျော တောက်ပ
နှုတ်ခမ်းကို တင်းတင်းစေ့လို့ မှန်ထဲက ငါ့မျက်လုံးကိုသူ့
မျက်လုံးနဲ့ထိုးပိတ်ထားတယ် |သူ့လက်ဟာတဆတ်ဆတ်
တုန်လို့
ကျုပ်မှာ လိုင်စင်ရှိတယ်လို့ပြောတယ်။                      ။

(ကိုရွေး)

( Sujet ) ဇာတ်ပြောသူအစီအစဉ် ( တင်ပြမှု ) နှင့် ( Fabulal )အဖြစ်အပျက်အစီအစဉ်

ဇာတ်ပြောသူတင်ပြမှု အစီအစဉ်(Sujet) ကို ရုရှဖော်မယ်လစ်ဇင် ( Russia Formalism ) များက ဇာတ်ကြောင်းပြောလေ့လာမှုများတွင် အဖြစ်အပျက်အစီအစဉ် ( Fabulal ) / ကုန်ကြမ်း ( Raw ) နှင့်တွဲဖက်တည်ဆောက်ပြခဲ့သည် ။

ထို့ ကြောင့်ပင် အခေါ်အဝေါ်အားဖြင့် လွယ်ကူစေရန် ဖြစ်စဉ် ( Fabula ) ဇာတ်နှင့် ပြစဉ် ( Syuzhet ) ဇာတ်ညွှန်း ဟု အလွယ်ခေါ်လိုက်သည် ။ ဖြစ်စဉ် ( Fabula ) ဆိုတာကတော့ အဖြစ်အပျက်ရဲ့  တစ်ကယ့်အချိန်ကာလအလိုက် ဖြစ်တဲ့ ဖြစ်စဉ်ပါ ။
" Chronological order " လို့ လဲခေါ်ပါတယ် ။ " Syuzhet " ကတော့ ဇာတ်ကိုဘယ်လိုအစီအစဉ်နဲ့  ပြော ( တင်ပြ ) သလဲ( ဇာတ်ပြောသူဘယ်လို ပြောသလဲ ) ဆိုတာပါပဲ ။ ကိုရွေးရဲ့  " အရူး" ကဗျာကို ရုပ်ရှင်ပြကွက်အနေနဲ့  တင်ပြတယ် ဆိုပါတော့ ။ အဖြစ်အပျက်ကို တင်ပြပုံနဲ့  နှိုင်းယှဉ်ဖို့  လိုလာပါတယ် ။ ဖြစ်စဉ် ( Fabula ) ယခုဇာတ်လမ်း၏ ကုန်ကြမ်း ( Raw material of the story ) ပင်ဖြစ်သည် ။ တစ်ကယ့်လက်တွေ့  အချိန်နှင့်အဖြစ်အပျက်ကို ဆိုလိုသည် ။ ဇာတ်ကြီးတစ်ခုလုံး၏ အစဉ်တကျ ဖြစ်ပျက်မှုကို ဆိုလိုသည် ။ ရုရှဘာသာဖြင့် " Fabula" သည် ဇာတ်ဟု အဓိပ္ပါယ်ရသည် ။

၁။ ပထမနေ့ ညတွင် သူရဲကားကြည့် ။
၂။ ဆံသဆရာသည် မြို့ ကြီးမှ လူသတ်သမား စိတ္တဇဝေဒနာရှင် ဖြစ်ကြောင်းခံစားရ ။
၃။ ဆံပင်ညှပ်ဆိုင်သို့ လာ၍ညှပ်ကာ ခြုံထည်ထဲသို့  ရောက်ရှိ ( ယခုနေ့  )
၎။ဆံသဆရာအားသံသယဝင်....ဟူ၍အဓိကအဖြစ်အပျက်လေးခု၏လက်တွေ့ ဖြစ်ပျက်မှုအစီအစဉ်မှာအထက်ပါအတိုင်း ဖြစ်သည် ။

ဤဖြစ်ပျက်မှုအစီအစဉ်သည် " Fabula" ဖြစ်သည် ။ သို့ သော် ကဗျာဆရာကိုရွေးသည် ဇာတ်ပြောသူအား တစ်ကယ့်ဖြစ်စဉ်အတိုင်း ပြောခိုင်းခဲ့သည်မဟုတ် ။ ကဗျာဆရာ၏တင်ပြပုံမှာ အောက်ပါအတိုင်း ဖြစ်သွားရသည် ။ ကဗျာဆရာ၏ ပြကွက်အစီအစဉ် Syuzhet ကို ကြည့်ရအောင် ။

၃။ ဆံပင်ညှပ်ဆိုင်သို့  လာ၍ညှပ်သောကြောင့် ခြုံထည်ထဲသို့ ရောက်ရှိ ( စာကြောင်းအဖွင့်တွင်ပင် " ခြုံထည်ကြီးထဲက ရုန်းထွက်လို့  မရတော့ဘူး " ဟုစဖွင့်သည် ။ )
၎။ ဆံသဆရာအား သံသယဝင် ( "မျက်လုံးဟာ အသည်းယားစရာ" စာကြောင်းရေ ( ၄ ) ) ဟူ၍ လေးကြောင်းမြောက်၌ပင် သံသယဝင်ကြောင်းပြသည် ။ အမှန်က သုံးကြောင်းကတည်းက စတာ ။
၁။ ပထမနေ့ ညတွင် သူရဲကားကြည့် ။ စာကြောင်းရေ ( ၁၄ ) တွင် သူရဲနှင့် ရုတ်တရက်တွေ့့ လိုက်သလိုမျိုး ဟူ၍ "သရဲ" ဟူသောစကားလုံးဝင်လာရာမှ (၁၅) တွင် " သူရဲဆိုလို့  ညကသူကြည့်ခဲ့တဲ့ သူရဲကားအကြောင်း " ဟူ၍ ပထမနေ့ ညကို ကူးပြောင်းသွားသည် ။ ထို့ နောက် စိတ္တဇလူသတ်သမား ဆံသဆရာ ထပ်ဝင်လာသည် ။
၂ ။ ဆံသဆရာသည် မြို့ ကြီးမှ လူသတ်သမား စိတ္တဇဝေဒနာရှင်ဖြစ်ကြောင်းခံစားရ ။

ထို့ ကြောင့် မူလဖြစ်စဉ် ( ၁ ၊ ၂ ၊ ၃ ၊ ၄ ) သည် ပြစဉ် " Syuzhet " တွင် ( ၃ ၊ ၄ ၊ ၁ ၊ ၂ ) ဖြစ်သွားသည် ။ ဤဖြစ်စဉ် Fabula နှင့် ပြစဉ် Syuzhet မှာ ရုပ်ရှင်ကားများတွင် အဓိကပို၍အရေးပါသည် ။

( syuzhet )( sjuzet ) is considered to be the order, manner and technique of their presentation in the narrative (for example, in movies this can be done by camera angles and lighting)

စယူး(ဇ)ရွဲ့သ် အားသတ်မှတ်ထားသည်မှာ အစီအစဉ် ၊ အပြုအမူနှင့် နည်းစနစ် တင်ပြပုံ ဇာတ်ပြောမှုအတွင်း ဖတ်သူ / ကြည့်သူထံ ပို့ ဆောင်ပေးခြင်းဖြစ်ပြီး ရုပ်ရှင်များတွင် ကင်မရာအနေအထား နှင့် အလင်းအမှောင် ကစား၍လည်း ပြုလုပ်နိုင်သည် ။ ဇာတ်လမ်းအချောသတ်ထားသည့် အနေအထားတွင် ဇာတ်ကိုဇာတ်ဆရာက မည်သို့ ဖွဲ့ စည်းတည်ဆောက်သည် ( the way a story is organized ) ပင်ဖြစ်သည် ။ အရစ္စတိုတယ်(လ)( Aristotle ) ( 350 BC ) ၏အလို အရ ဇာတ်ပြောမှု ဇာတ်ညွှန်း ( plot ) သည် စ ( the beginning ) ၊ လယ် ( the middle ) ၊ ဆုံး ( the end ) ရှိသင့်သည်ဟု ဆိုသည် ။ ရုပ်ရှင်များတွင် နောက်ကြောင်းပြန် ( flashbacks ) များ ရှေ့ ဖြစ်ပြကွက်များ / အပြောများ ( flash forward ) ဖြင့်လည်း တင်ဆက်နိုင်သည် ။

ဤဖြစ်စဉ်/ပြစဉ် စကားလုံးနှင့် လေ့လာချက်များကို ဦးဆောင်တင်သွင်းသူမှာ ရုရှဖော်မယ်လစ်ဇင် ဆရာကြီးနှစ်ဦးဖြစ်သည့် ဗလာဒီမာပရော့(ဖ) Vladimir Propp နှင့် ဗိက်သာရ်ရှကောလဲ့ဗ်စကီး( Viktor Shkolevsky ) တို့ ဖြစ်သည် ။ သူတို့ နှစ်ဦးတွင်
ပရော့(ဖ)အား ကျွန်တော်ပို၍ လေးစားမိသည် ။

ပရော့(ဖ) သည် ဆိုဗီယက်ဖော်မယ်လစ်(စ) တစ်ဦးဖြစ်ပြီး ဂျာမန်နှင့်ရုရှဘာသာဗေဒကို ဆရာဖြစ်ကျွမ်းကျင်သူဖြစ်ကာ ပုံပြင်များတွင်ပါဝင်ရမည့် အချိတ်အဆက်လုပ်ဆောင်ပုံများကို စနစ်တကျခွဲခြမ်းပြခဲ့သူဖြစ်သည် ။ သူကပုံပြင်များကိုအပိုင်း ( section ) များခွဲပစ်ခဲ့သည် ။ ထို့ နောက်ရုရှ နတ်သမီးပုံပြင် ၊ အိပ်ရာဝင်ပုံပြင်များ၏ ထိုအပိုင်းများကို မည်သို့ ချိတ်ဆက်အလုပ်လုပ်ပုံ ( series of sequences ) ကို ပယ်ပယ်နယ်နယ် ရှင်းပြ / ခွဲခြမ်းပြခဲ့သည် ။ အဓိကကျသော ခွဲခြမ်းမှုမှာ ဇာတ်ပြောမှု ဇာတ်အိမ်ကျောရိုး ( Narrative structure ) ပင်ဖြစ်သည် ။ ရုရှအိပ်ရာဝင် ပုံပြင်များတွင် လုပ်ဆောင်မှု ( function ) သုံးဆယ့်တစ်ခု ပါရှိသည်ဟု အတိအကျပြောသည် ။

ပုံပြင်များတွင် စထွက်သည်နှင့် " Absentation " ဟူသော အဆင့်နှင့်စရသည် ။ Function အမှတ်တစ်ဖြစ်သည် ။ မိသားစုဝင်များ လုံခြုံသောနေရာမှ ထွက်ခွာရသည် ။ လူစွမ်းကောင်း ( hero ) သည်လည်း အပါအဝင်ဖြစ်သည် ။ ထိုစထွက်မှတ်သည် လူစွမ်းကောင်းကယ်ဆယ်ရမည့် အမှတ်ဖြစ်သည် ။ လူစွမ်းကောင်းအား များသောအားဖြင့် သာမန်လူတစ်ဦး ( An ordinary person ) ဖြင့်သာပြသည် ။ စသည်ဖြင့် သုံးဆယ့်တစ်ချက်အား အဆုံးသတ်တွင် ပြစ်ဒဏ် ( Punishment ) အား သုံးဆယ်နေရာတွင်ထားသည် ။ လူဆိုးအား ပြစ်ဒဏ်ပေးခြင်းနှင့် သူ ကပ်ရက်တွင် နောက်ဆုံးသုံးဆယ့်တစ် ထိမ်းမြားခြင်း ( wedding ) တွင် ဇာတ်ပေါင်းခန်း မင်းသားမင်းသမီး ထိမ်းမြားခြင်းဖြင့် ဆုံးသည် ။ သူက မည်သည့်ပုံပြင်မဆို ဤ Function များပါရမည် ဟုဆိုသည် ။ နောက်တွင် သူက ပုံပြင်ပေါင်း ၁၀၀ ကို လေ့လာ၍ ဇာတ်ကောင်ကြီး ( ၇ ) ခုသာ ပါရှိသည်ဟု ခွဲခြမ်းပြပြန်သည် ။
အရူးကဗျာအား ချဉ်းကပ်ရေးရန် ကြိုးပမ်းရသည့် အချက်မှာ သူ့ ဇာတ်ပြောပုံစံအား ဥပမာ ပေးလိုသောကြောင့် ဖြစ်သည် ။ ရှေ့ ကဆိုခဲ့သည့်အတိုင်းပင် ပရော့(ဖ) ကိုကျွန်တော်သဘောကျမိသောအချက်များစွာထဲမှ ဇာတ်ကြောင်းပြောကိစ္စကို အသေးစိတ်ခွဲခြမ်းနိုင်ခဲ့ခြင်းနှင့် ဇာတ်လမ်းတွင်ပါဝင်ရမည့် ဇာတ်ကောင်စရိုက်ခုနစ်မျိုးအား ဇာတ်ပြောပုံပြင်ပေါင်း " ၁၀၀ " ကိုခွဲခြမ်းလေ့လာ၍ အတည်ပြုပေးခဲ့သည် ။ အကျဉ်းချုပ်၍ပြောရလျှင်
၁။ ဗီလိန် ( villain ) ၊ သူရဲကောင်းအားဆန့် ကျင်၍ ရုန်းကန်ရသူ
၂။ ပို့ ဆောင်သူ ( dispatcher ) ၊ သူရဲကောင်းအားပို့ ဆောင်ပေးသူ
 ၃။ ကူညီသူ ( helper ) သူရဲကောင်းအား ကူညီသူ
၎။ မင်းသမီး(၀ါ) ၊ ဆုနှင့် သူမ၏ဖခင် ( The princess or prize and her father )
၅။ လှုဒါန်းသူ ( The donor )
 ၆။ သူရဲကောင်း (ဝါ) ပြုလုပ်ခြင်းခံရသူ ( The hero or victim )
၇။ သူရဲကောင်း (ဟီးရိုး)အတု ( The false hero ) သူရဲကောင်း၏ လုပ်ရပ်ကို အခွင့်အရေးယူသူ
တစ်ခါတစ်ရံတွင် အစားထိုးဗီလိန်နေရာအား အပြောင်းအလဲလုပ်သည် ။

ဥပမာ သူရဲကောင်းက ဗီလိန်နဂါးကြီးအား သုတ်သင်လိုက်ရာ နဂါးကြီး၏ ညီမဖြစ်သူက သူရဲကောင်းအား ဂလဲ့စားချေရန်ကြိုးပမ်းမှုကြောင့်ဗီလိန်နေရာ ဖြစ်သွားခြင်းလည်း ဖြစ်သွားတတ်သည် ။ တစ်ခါတစ်ရံတွင် လူတစ်ဦးတည်းက ဇာတ်ကောင်နှစ်မျိုးလည်း ဖြစ်နိုင်သည် ။ ဖခင်သည် သူရဲကောင်းမင်းသားအား ဓါးပေး၍ အခက်အခဲရှိရာသို့  စေလွှတ်လျင် ဖခင်မှာ " dispatcher " နှင့် " donor " တစ်ပြိုင်တည်းဖြစ်သွားသည် ။ ဤနေရာတွင် ပရော့(ဖ) ၏ စွမ်းဆောင်ရည်ကို ထင်ရှားစေ၍ ကျွန်တော်က ဇာတ်ကြောင်းပြော အခန်းကဏ္ဍကို ပိုသာစွာပြောမိသည် ။ အထက်ကဆိုခဲ့သည့်အတိုင်းပင် ဇာတ်ဖြစ်စဉ်ဇာတ်( Fabula ) နှင့် ပြစဉ် ( ဇာတ်ကြောင်းတင်ပြပုံ ) ( Syuzhet ) ( Flash Back နှင့် Flash Forward ဟူသော ရှေ့ / နောက် ပြန်ပြမှု မပါသော နမ်းလီနီယာ( Non - Linear )ဇာတ်ပြောလည်း ရှိသည် ။ ဥပမာ Pulp Fiction အနေဖြင့်မူ ဤကဗျာတွင် ရှေ့ နောက်ကွဲလွဲမှု မကြီးခဲ့ ။ ရုပ်ရှင်ကြည့်ခြင်းကို Flash Back ပြသွား၍ရသည် ။ ဒါကလူတိုင်းသိသည် ။ သို့ သော် ဤဖြစ်စဉ်ပြစဉ်ခွဲခြားမှုသည် ဤကဗျာတွင်ပါးပါးမျှသာ လှည့်ပြသော်လည်း ( ဇာတ်ကြောင်းပြန်ရိုးရိုးဖြစ်သော်လည်း ) ခရစ္စတိုဖာ နိုးလန် ( Christopher Nolan ) ဒါရိုက်တာအဖြစ်ရိုက်ကူးသော Memento ( 2000 ) တွင်မူ လီနီယာအငြင်း ဇာတ်ကြောင်းပြောမှု ( Non - Linear Narrative ) အဖြစ် အတိတ်နှင့် ပစ္စုပ္ပန်အား ဆေးရောင်စုံနှင့် အဖြူအမဲ ရောယှက်တင်ပြလာသောအခါတွင်.....

(နှင်းမြူရိပ်ကိုမြင်လျှင်မှ)