ချိတ်ဆက်မရသောအတွေးများ

နံနက်ခင်းအသစ်မှာမော့သောက်မိတဲ့
မျှော်လင့်ချက်မဲ့ကော်ဖီတခွက်ဟာ
အိပ်မက်ဆိုးတွေကိုမေ့ပစ်ဖို့အထိတော့
အထောက်အကူမဖြစ်ခဲ့ဘူး ။

ညဟာ  ညထဲမှာပင်လယ်သေတခုလိုငြိမ်သက်
ညလယ်ကော်ဖီခွက်ဟာလည်းအေးစက်မာကြောနေတယ်။

ရထားတစီးခုတ်မောင်းသွားတိုင်း
လန့်ပြီးတွန်နေတတ်တဲ့ကြက်ဖတွေဟာ
နာရီအချက်ပေးစနစ်ကိုမသိဘူး
မနက်ဖြန်ဟာ မလတ်ဆတ်တော့မဲ့
မနက်ခင်းအသစ်တွေနဲ့စောင့်ကြိုလို့။

အရသာမကြိုက်ပေမဲ့
သောက်ဖြစ်လိုက်တဲ့ကော်ဖီခွက်ထဲ
အနည်ထိုင်နေတဲ့စိတ်တွေနဲ့အတူ
စီးကရက်တလိပ်လိုအငွေ့တလူလူနေ့စွဲများ

ဖိနပ်ပျောက်နေတဲ့ခြေဖဝါးတစုံဟာ
မြေပူပူမှာ  ခြေရာတွေပါးပါးလျလျကျွံဝင်လျက်
အိပ်မက်တွေကိုစိတ်နာလို့ကောင်းနေတုန်း။

မိုးချုန်းသံတွေကြားကစန္ဒယားသံတိုးတိုးလေးဟာ
အိပ်မက်ဆိုးတွေကိုရွက်လွှင့်ဖို့တိုက်ခတ်နေသလို
မနေ့ညကတည်းကအေးစက်နေတဲ့ကော်ဖီခွက်ထဲ
မျှော်လင့်နေ့စွဲတချို့နစ်မြုပ်ပျော်ဝင်သေဆုံးရင်း

လူဘဝဆိုတာကနာရီလက်တံတွေလိုမရပ်မနား
အိမ်ခြေယာမဲ့  မိုးတိမ်တချို့ရဲ့ရွာသွန်းမှုမှာ
ရာသီလွဲပွင့်တဲ့ပန်းတွေနဲ့
မနက်ခင်းဟာထပ်ပြီးဟောင်းသွားခဲ့တယ်။

ဒီလောက်နဲ့တင်စိတ်ကုန်သင့်နေပြီဆိုတဲ့
အကြောင်းအရာများအပ်ကြောင်းမထပ်ခင်
မအိပ်မနေပဲ ပင်လယ်သေနဲ့တူတဲ့ညထဲ
စီးကရက်မီးခိုးနဲ့တိမ်အတုတွေဖန်တီးနေခဲ့
တခန်းလုံးဆေးလိပ်နံ့တွေမွှန်နေတဲ့အထိ

ပြန်လာခဲ့ဖို့အချိန်သင့်နေပြီဆိုတာ
မနေ့ကရောက်တဲ့မက်ဆေ့တစောင်ထဲမှာ
ဖတ်လိုက်ရချိန်တုန်းက
အေးစက်နေတဲ့မနက်ခင်းရဲ့ကော်ဖီခွက်ဟာ
လက်ကလွတ်ကျပျောက်ဆုံးသွားခဲ့တယ်။

မစောင့်နိုင်တော့တဲ့အဆုံး
နာရီတွေအိပ်မောကျအောင်ရပ်တန့်ပစ်ရင်း
အမှောင်ထဲမှာတိတ်တဆိတ်ငိုကြွေးနေလိုက်တယ်

နောက်ပြီး  အရသာမကြိုက်တဲ့ကော်ဖီကိုပဲ
တခွက်ပြီးတခွက်ထပ်ဖျော်ရင်း
မနက်ခင်းနဲ့ရှေးဟောင်းနှောင်းဖြစ်တွေထိုင်ပြောနေခဲ့ ။           ။




                                       အဇ္ဇ