နွေဦးပုံပြင်

ဘယ်အရာကိုဆာလောင်နေသလဲဆိုတာ
သိခဲ့ရင် 
ဘာကိုစားသုံးရမလဲဆိုတာသိတယ်

ပျံလေတဲ့ငှက်ခါး နားမနားထက်
အရွက်မဲ့နေတဲ့သစ်ပင်အိုကိုသနားတယ်

နွေခေါင်ခေါင်တံလျပ်တွေကြားမှာ
စာနာမှုဆေးခြယ်ထားတဲ့တစ္ဆေဟာ
ညမမှောင်ခင်ကိုယ်ယောင်ဖျောက်ပြီး
ရမ္မက်မီးတွေတောက်လောင်ပြခဲ့

ဒီလိုနဲ့
ကျွန်တော်တို့ရဲ့နွေဦးရာသီဟာအပြာစာသားဆန်ဆန်  ရွက်ကြွေတွေ ခြေရာချင်းထပ်နေ

ဒီလိုနဲ့
ကျွန်တော်တို့ရဲ့  နွေဦးကဖေးဆိုင်များမှာ
လိင်အသားပေးပို့စ်တွေပလူပျံနေ

ဒီရာသီတွေဟာ
မြေခွေးတွေအစာရှာလို့ကောင်းတဲ့ရာသီ

ဒီလိုရာသီတွေဟာ
ဝံပုလွေနဲ့ဆိတ်သူငယ်ပုံပြင်အစပြုတဲ့ရာသီ

ကျွန်တော်တို့ရဲ့ညကဖေးမှာ
ကိုယ့်စကားနဲ့ကိုယ့်ကိုယ်ကိုယ်သွေးခွဲနေတဲ့
မျက်ကန်းဝံပုလွေအူသံတွေကြားရတယ်

နွေဦးရာသီက
ကျွန်တော်တို့ရဲ့ကျီးလန့်စာစားညနေများမှာလေဟုန်စီးလို့

တကိုယ်လုံးရွက်ကြွေတွေခြုံလွှမ်းထားတဲ့
ကျွန်တော်တို့ရဲ့နောက်ဖေးလမ်းကြားလေးမှာ
သိုးသူငယ်ရဲ့ဆင်ခြေတွေမျက်ရည်ခံထိုးကောင်းနေတုန်း

ကျွန်တော်တို့ရဲ့ လူမှုကွန်ယက်ညဟာ
မြေခွေးနဲ့ဖျံ ငါးအသေကိုလုနေကြတုန်း

ကျွန်တော်တို့ရဲ့နွေဦးအိပ်မက်မှာ
ဥသျှစ်သီးကြွေသံကြောင့်လန့်ပြေးလိုက်ကြတာ
တတောလုံးညံလို့  ။            ။


                                       အဇ္ဇ