**  ဆုတ်ဖြဲခံလိုက်ရသောစာမျက်နှာများ **

ပင်လယ်တောင်တန်းတောအုပ်နဲ့
ကွင်းပြင်များထဲဆက်စပ်မဲ့ဖြစ်တည်နေတဲ့
ကန့်သတ်ပိတ်လှောင်ခြင်းတွေထဲ
ကျွန်တော်တို့မွေ့လျော်နေကြ  ။

ယဉ်ကျေးမှုမျက်နှာစာအစွန်းအပြောက်များရဲ့အကြား
ဟန်ဆောင်အပြုံးနဲ့နွမ်းလျနေတဲ့
အိမ်ပြန်ချိန်တွေမှာကျွန်တော်တို့
စက်ရုပ်ဆန်ဆန်ရုန်းကြွလှုပ်ရှားနေကြ  ။

စီးမျောလာတဲ့ကွဲပြားခြားနားမှုများနဲ့
ဝတ္ထုဇာတ်လမ်းမဟုတ်တဲ့ ဝတ္ထုဇာတ်လမ်းဆန်ဆန်
ပုံသဏ္ဌာန်မတိကျမှုများဟာ
အခိုးအငွေ့တွေဖြစ်မြောက်သွားတဲ့အထိ
ကျွန်တော်တို့လောင်ကျွမ်းနေကြ ။

လမ်းဟာလမ်းဖြစ်ကြောင်းကိုတိတ်ဆိတ်စွာညွှန်းဆိုရင်း
အမှိုက်တစလိုစွန့်ပစ်ဖို့လုံလောက်တဲ့အကြောင်းပြချက်တခုနဲ့တင်
လူလိုကျင့်ကြံဖို့လိုအပ်နေပြီဆိုတာ
ကျွန်တော်တို့သိနေသင့်တယ် ။

ဆွေးမြေ့ဟောင်းနွမ်းနေတဲ့အကြောင်းအရာများဖယ်ခွာဖို့
တိမ်မီးခိုးတွေပြည့်နေတဲ့ကောင်းကင်ထဲက
အဆိပ်တိမ်များမရွာသွန်းခင်အထိ
မြို့ပြင်ကစွန့်ပစ်ပစ္စည်းတွေထဲ
ကျွန်တော်တို့ရဲ့တာဝန်မဲ့စိတ်များတောင်ပုံယာပုံ ။

အဲဒီသွေးနွေးယဉ်ကျေးမှုအသစ်တွေထဲမှာ
ဘုရားသခင်ရဲ့တာဝန်မကင်းမှုများ
ပါဝင်ပတ်သက်နေမလားဆိုတာကို
ကျွန်တော်တို့မေးခွန်းမထုတ်ဝံ့ခဲ့ကြ ။

တာဝန်မဲ့စိတ်တွေနဲ့ဓာတ်ပြုနေတဲ့အက်ဆစ်မိုးရေများ
ကျွန်တော်တို့အပေါ်မရွာသွန်းမီအခိုက်အတန့်များမှာ
မြစ်တခုလိုစီးဆင်းနေတဲ့ဟောင်းနွမ်းပုပ်သိုးစိတ်အသေများနဲ့
အဆိပ်ငွေ့ရောပြွန်းလေများကျွန်တော်တို့ရှုရှိုက်နေခဲ့ကြ ။

ကျွန်တော်တို့ဖန်တီးထားတဲ့
ကိုယ်တိုင်သေကြောင်းကြံမှုအသစ်များနဲ့
ကျွန်တော်တို့ကိုယ်ကျွန်တော်တို့ပြန်စီရင်ခဲ့ကြ ။

နှုတ်ကပါတ်တော်ထဲမှသွေဖယ်လာတဲ့
ကျင့်ကြံမှုများနဲ့လူသားဆန်မှုပြယုဂ်တွေကြောင့်
ကျွန်တော်တို့လက်နဲ့မြဲမြံစွာဆုပ်ကိုင်ထားတဲ့
သွေးစွန်းလက်နက်တွေဟာ
ကျွန်တော်တို့စိုက်ခင်းများကိုအပိုင်းပိုင်းခုတ်ဖြတ်နေကြ ။

မျက်ရည်နဲ့ပွင့်တဲ့ဒုက္ခတွေကြားက
ရုန်းရင်းဆန်ခတ်  လမ်းမများထက်
ကျွန်တော်တို့ရဲ့ကိုယ်ပိုင်စာမျက်နှာများမှာ
စာနာမှုတွေဆုတ်ဖြဲခံလိုက်ရတယ် ။          ။
     
                                  အဇ္ဇ
                        25 April 2018