၃၉  လမ်းမှတ်စုများ
®®®®®®®®®®®®®®®®®

လမ်းတွေကအခုထိကြမ်းပြနေတုန်းပဲ
ရဲရဲဖြတ်  ရဲရဲလျှောက်  ဒူးမထောက်စတမ်း
ရေကုန်ရေခမ်းဖြတ်သန်းခဲ့တဲ့ခရီးဟာ
နီးမယ်ထင်လျက်ဝေးလွန်းလှတယ် ။

မြစ်တခုရဲ့ခရီးဟာ  တိုက်စားသယ်ဆောင်
ပို့ချအနည်ထိုင်ခြင်းနဲ့အဆုံးသတ်ပေမဲ့
သားကတော့  တဘဝလုံးစီးနေဦးမဲ့မြစ်ပါ
အခု  ၃၉  လမ်းထဲနွေမှာရဲရင့်နေတဲ့စိတ်နဲ့
မှုံဝါးနေတဲ့  အိပ်မက်တွေကိုနာကျင်မနေဖို့
သင်ကြားခဲ့ပြီးပါပြီ ။

သက္ကရာဇ်အရ  ဖြတ်သန်းခဲ့တဲ့ခရီးတိုင်း
ဦးနှောက်တွေရောင်ကိုင်းသွာတဲ့အထိ
ကြိုးစားပန်းစား  တွေးခေါ်ခဲ့ပါတယ် အမေ
ရေပန်းစားနေတဲ့  လူသားဆန်မှုမဆန်မှု
ပြသနာတွေကြားမှာ  ဆားပွင့်လည်းဖြစ်
ကိုယ်တိုင်ကအနှစ်မဲ့နေတာလားမသိခဲ့ ။

မြစ်ဆိုတာ  ကျောက်သားကြမ်းပြင်က
ရုန်းကြွလာတဲ့  သွေဖယ်သန္ဓေ
အသွေးအသားထဲသယံဇာတပေါင်းများစွာ
သိုဝှက်ကွယ်ကာရင်းစီဆင်းခဲ့တယ်
ဘယ်မှာစုပုံအနည်ချထားရစ်နိုင်မလဲ  အမေ။

ဝမ်းစာနဲ့ဝါသနာ  နပန်းလုံးရင်း
ဒုက္ခဆိုတာ နှစ်ဆသီးပွင့်နေတဲ့  ဒီလမ်းမှာ
ရူးနှမ်းနေတဲ့  လူတယောက်ဖြစ်ခွင့်ရချင်တယ်
အပူပင်ကင်းတဲ့  ကိုထီးရဲ့သီချင်းထဲက
ကလေးဘဝကိုတော့ပြန်မရချင်ဘူး  အမေ။

လွန်တာတွေလွန်ခဲ့ပြီးမှ
ကျွံတာတွေပြန်နှုတ်ဖို့  နောက်ကျလွန်းပေါ့
လောကဓံကို  ခေါင်းမော့ရင်ဆိုင်ဖို့ခွန်အား  သားအသွေးသားထဲအမေပေးခဲ့ပြီးပြီလေ
လူသားဖြစ်ခွင့်ဆုလာဘ်နဲ့ 
လူလိုတွေးတတ်ဖို့  အမေ့လမ်းညွှန်မှုကို
သား   အမြဲတမ်းကျက်မှတ်ထားတယ်။

အမေမွေးခဲ့တဲ့  ဒီကောင်ဟာ
အဖေရဲ့ ချွေးစက်နဲ့အလဲအထပ်လုပ်ထားတဲ့
ထမင်းလုတ်တွေနဲ့  ကြီးပြင်းခဲ့ပြီး
ငွေကြေးရမ္မက်  မာယာတောမှာ
လူးလာကူးခတ်ရင်းလမ်းပျောက်နေခဲ့တာ
အခုဆို  ၃၉ လမ်းတောင်ရောက်ခဲ့ပြီ
လိပ်စာရှာမတွေ့သေးဘူး  အမေ ။


                               အဇ္ဇ