ကြွေလွင့်ခဲ့သော

ဘာကြောင့်များ  ဒီအသက်ဒီခန္ဓာ  မြဲမြံစွာမမွေးမြူချင်တော့တာလဲ  မိစန္ဒာ ။  ဒီကမ္ဘာဟာနင့်ဘက်ကိုပိုတိမ်းစောင်းနေခဲ့လို့များလား။ယုံမှားသံသယစိတ်ဆိုတာကလည်းခြောက်အိပ်မက်တွေလိုပါပဲ  မသေချာမရေရာပေမဲ့  ကြောက်လန့်စိတ်ကိုအားကြီးစေတတ်တာပဲလေ ။  နင့်ရဲ့အသက်မဲ့နေတဲ့ဒီခန္ဓာကြီးကိုကြည့်ရင်း  လူတွေရွဲ့တဖက်စောင်းနင်းစိတ်တွေကိုငါတွေ့လိုက်တယ် ။ နင်ရောက်ရာဘုံဘဝမှာအဖြစ်ဆိုးတွေမကြုံပါရစေနဲ့လို့  နောက်ဆုံးဆုကိုတောင်းသွားမှာပေါ့ ။  ဆုတောင်းသင့်ပါတယ်  မိစန္ဒာ ကျင်လည်ရာလူ့လောကမှာ အရာတိုင်းတရားမျှတမှုမရှိနိုင်ဘူးမဟုတ်လား ။  မြေနိမ့်ရာလှံစိုက်ချင်နေကြတဲ့သူတွေကြားမှာ  နင်ဘယ်လောက်တောင်ရုန်းကန်ခဲ့ရလဲ ။  တွေးကြည့်စရာတောင်မလိုပါဘူးကွယ် ။ တကယ်ဆို  ဘဝကထင်သလောက်မခက်ခဲပါဘူး  ရေအစုန်မှာ  လှေကြုံလိုက်ချင်တဲ့စိတ်ကလေးကြောင့်  နင်ဘဝရော ခန္ဓာပါဆုံးခဲ့ရတာလေ ။ နင်ရဲ့အတိတ်တွေဟာ  လှပခဲ့ဖူးပါတယ် မိစန္ဒာ ။  ဟိုတချိန်ကဆိုနင်ဟာ  အလှမျိုးစုံဆင့်တဲ့  ပန်းကလေးတပွင့်ဖြစ်ခဲ့တာပဲ ။
နင့်အနားမှာ  လိပ်ပြာလိုလူတွေ  ပျားပိတုန်းလိုလူတွေဝန်းရံခနေချိန်  နင်ဟာငယ်မူငယ်သွေးတွေနဲ့ အလှမာန်ဝင့်ထည်ခဲ့တာပဲ  မဟုတ်ဘူးလား  ။  ငါမှတ်မိနေသေးတယ်  မိစန္ဒာ ။ နင်နဲ့ငါအမှတ်မထင်ပြန်လည်ဆုံတွေ့ချိန်မှာပေါ့ နင်ဟာအရာရာကို  အနိုင်ရနေတဲ့အောင်နိုင်သူကြီးတယောက်ရဲ့မျက်နှာမျိုးနဲ့လေ  ။  နင့်မိသားစု နင့်ရဲ့ဘဝဟာ  အစစအရာရာပြည့်စုံနေခဲ့ပြီလို့နင်ထင်ကောင်းထင်နေမှာပါ ။ထင်လည်းထင်သင့်ပါတယ်  မိစန္ဒာ ။

ငါတို့ငယ်စဉ်တောင်ကျေးကလေးဘဝကတည်းက  အတူကြီးပြင်းရှင်သန်လာခဲ့ကြတာဆိုတော့  နင့်စိတ်ကိုဖတ်နိုင်ဆုံး  နားလည်နိုင်ဆုံးကငါပါ ။  ဒါပေမဲ့  နင့်အလှကိုနင်မာန်တက်နေချိန်ကစလို့  နင်နဲ့ငါကသူစိမ်းပြင်ပြင်ဖြစ်ခဲ့ကြတယ် ။  ငါဝမ်းမြောက်ဝမ်းသာ  နင့်အတွက်ဂုဏ်ယူနေခဲ့တာပါ ။  အခုကြည့်စမ်း  နင့်ရဲ့အလှမဲ့နေတဲ့ဒီခန္ဒာကြီးကို ဘယ်သူတွေကတယုတယ  ချစ်ခင်နှစ်သက်နေကြသလဲ ။ တချိန်က  နင်သာမရှိရင်  ဘဝမရှိနိုင်ဘူးလို့ပြောခဲ့တဲ့သူတွေ
နင့်သတင်းကြားလိုက်ချိန်မှာ  သူတို့နဲ့မဆိုင်သလို  ဟန်ပြစာနာခြင်းတွေစုပ်တသပ်သပ်နဲ့ပေါ့ ။  နင့်အတွက်ငါ  မငိုဘူးမိစန္ဒာ ။  ဘဝဆိုတာထင်သလောက်မခက်သလို  ထင်သလောက်လည်းလွယ်မှမလွယ်တာ ။ငါ ကောင်းမှုကုသိုလ်ပြုတိုင်း  နင့်အတွက်အမျှဝေပါတယ် နင်ရောက်ရာဘဝ  သာဓုခေါ်နိုင်ပါစေ  မိစန္ဒာရေ  ။  နင့်ရဲ့နောက်ဆုံးအချိန်အထိ  နင်တပ်မက်ခဲ့တဲ့အရာတွေက  နင့်ကိုဒုက္ခဖြစ်စေခဲ့တယ်ဆိုတာ  နင်သိသွားခဲ့ရဲ့လား ။  သံသရာဆိုတာ  ရှည်တတ်တာမျိုးဆိုပေမဲ့တခန်းရပ်ဇာတ်သိမ်း  နိုင်အောင်ကြိုးစားရမှာပါ  ဒါကလည်း  လောကမှာကျင်နေသမျှသံသရာမှာဝဲလှည့်နေကြရမှာပဲ  ပေါ့။  မိစန္ဒာရေ  နင်ကြုံတွေ့တွေ့ခဲ့သမျှ
ဒုက္ခတွေ  ဒီမှာပဲတခန်းရပ်ပါစေတော့  ။   နောက်ဆုံးစကားတခွန်းတော့မှာလိုက်ပါရစေမိစန္ဒာ  ငါ့ရင်ထဲမှာ  နင့်ဆန္ဒမပါပဲ  နင့်နာမည်ကိုရေရွတ်တမ်းတနေမိဦးမှာပါ ။

မိစန္ဒာရေ  ငါဟာအတိတ်ထဲမှာပျော်ဝင်နေထိုင်ဖို့  အခွင့်မရှိဘူး  ။  ဒါကြောင့်မို့အတိတ်တွေကိုပြန်လည်တူးဆွမနေတော့ပါဘူလေ  ။  နင်ဟာလွတ်မြောက်ရာဘုံကိုထွက်ပြေးလွတ်လပ်သွားတဲ့နောက်  နင့်နာမည်ကိုငါမေ့လိုက်ချင်ပါတယ် ဒါပေမဲ့  သံယောဇဉ်ဆိုတာက  ဖြတ်ရခက်သားဟ ။
နင်  နောက်ဆုံးမြင်ချင်ခဲ့တဲ့  တဦးတည်းသောသက်ရှိဟာ  ဘယ်သူများဖြစ်နိုင်မလဲ  မိစန္ဒာ  ။  ငါသိခွင့်မရှိပေမဲ့  ငါများဖြစ်နေမလားဆိုတဲ့  မျှော်လင့်ချက်တစုံတရာတော့ထားခဲ့မိတာပါပဲ  မသေချာမရေရာပါပဲ  မိစန္ဒာ ။  ဟိုးကောင်းကင်ကြီးထဲမှာတိမ်တွေမျောလွင့်နေကြတယ် ။  နင်ကောတိမ်တွေနဲ့အတူမျောလွင့်ပျံသန်းနေမလားလို့ငါတွေးမိပါရဲ့  ။ငါတို့ကလေးဘဝတုန်းက  တပြန့်တပြောမြက်ခင်းပြင်ကြီထဲပြေးဆော့ရင်းကောင်းကင်ကြီးကိုမော့ကြည့်ပြီးနင်ပြောခဲ့ဖူးတာငါအခုထိသတိယနေတုန်းပဲ  မိစန္ဒာ ။  ငါတိမ်တွေလိုအဆုံးအစမရှိလွင့်မျောပျံသန်းသွားချင်တယ်ဟာ  တဲ့ ။
အခုနင်တိမ်တွေကြားမှာ  ပျော်နေပြီမဟုတ်လား  ။  တိမ်တွေပြာတဲ့နေ့တိုင်း  နင့်ဘဝငြိမ်းချမ်းပါစေလို့  ငါအမြဲတမ်းဆုတောင်းလျက်ပါ  မိစန္ဒာ ။            ။



                                                        အဇ္ဇ